Shomanay rayonı
Málimleme-kitapxana orayı
Shomanay rayonı
Málimleme-kitapxana orayı
Shomanay rayonı Málimleme-kitapxana orayında «Qaraqalpaq ádebiyatı bayterekleri» Qaraqalpaqstan xalıq shayırı Ózbekstan qaharmanı I.Yusupov hámde Qaraqalpaqstan xalıq jazıwshısı Ózbekstan qaharmanı Toʻlepbergen Qayıpbergenovlardıń tuwılǵan kúnine arnap ushırasıw keshesi bolıp ótti. Ushırasıwǵa Shomanay rayonı bilimlendiriw tarawında kóp jıllar dawamında xızmet etken nuranıy ustaz Turǵangúl Qayıpnazarova, nuranıy kitapqumar Orınbay Eshmuratov, Ibrayım Yusupov atındaǵı dóretiwshilik mektebi oqıtıwshısı , shayır Baxıtlı Sarıbaev,Shomanay rayonı «Shomanay nurı » gazetası redaktorı Miyrigúl Baydullaeva, Shomanay rayonı MSHMBB ge qaraslı 16- sanlı mektebi oqıwshıları, 33- sanlı mektep oqıwshıları, Shomanay rayonı qániygelestirilgen mektebi oqıwshıları qatnastı. Kesheni Shomanay rayonı Málimleme-kitapxana orayı direktorı B. Atamuratova ashıp berdi. Keshede sózge shıqqanlar I. Yusupov hám T. Qayıpbergenovtıń ómir jolı, dóretiwshiligi, qosıqlarınan hám shıǵarmalarınan aytıp, ullı insanlardı eske aldı. 33- sanlı mektep oqıtıwshısı Mexriyban Qádirimbetova shayırdıń ” Ómirbek laqqı “qosıǵın, al 16- sanlı mektep oqıtıwshisı Demegenova Biybajar tárepinen bolsa “Ómir saǵan ashıqpan” qosıǵın sheberlik penen atqarıp berdi. Qániygelestirilgen mektep oqıtıwshısı I.Hamidullaeva shayır hám jazıwshınıń dóretiwshiligi ómir jolı haqqında jiynalǵanlarǵa aytıp berdi. Nuranıy ustaz T. Qayıpnazarova MKO jámáátine oziniń jeke kitap fondınan kitaplar sawǵa etti. Keshe mektep oqiwshılarınıń shayırlar qáleminen dóregen qosıqları hámde Mádeniyat xızmetkerleriniń koncert baǵdarlaması menen dawam etti.
2020 - 2026© Shomanay rayonı Málimleme-kitapxana orayı
