Ózbekstan Qaharmanı, Qaraqalpaqstan xalıq shayırı Ibrayım Yusupov hám Ózbekstan Qaharmanı, Qaraqalpaqstan xalıq jazıwshısı Tólepbergen Qayıpbergenovlardıń 94 jıllıǵına arnap

admin
05-May-2023
99

Shomanay rayonı Málimleme- kitapxana orayı Respublikalıq ruwxıy-aǵartıwshılıq orayı Shomanay rayonı bóliminiń qospa rejesine tiykar Ózbekstan Qaharmanı, Qaraqalpaqstan xalıq shayırı Ibrayım Yusupov hám Ózbekstan Qaharmanı, Qaraqalpaqstan xalıq jazıwshısı Tólepbergen Qayıpbergenovlardıń 94 jıllıǵına arnap «Ibrayım Yusupov izbasarları», «Tólepbergen Qayıpbergenov shıǵarmalarınıń bilimdanı» respublikalıq tańlawdıń rayonlıq basqıshı bolıp ótti. Tańlawǵa XBB ne qaraslı mektep oqıwshıları hám dóretiwshilik isler boyınsha úgit-násiyatshısılar qatnastı. Tańlaw dawamında oqıwshılar úsh shárt boyınsha bellesip, ózleriniń shaqqanlıǵın ziyrekligin kórsetti. Tańlaw juwmaǵında I-orındı XBB ne qaraslı 25-sanlı mektep oqıwshısı Reymbaeva Dilafruz II-orındı 2-sanlı mektep oqıwshısı Esemuratova Zerda, III-orındı 14-sanlı mektep oqıwshısı Berdibaeva Lalaxanlar jeńimpaz boldı. Tańlaw juwmaǵında Shomanay rayonı Málimleme- kitapxana orayı Respublikalıq ruwxıy-aǵartıwshılıq orayı Shomanay rayonı bólimi tárepinen «Húrmet jarlıǵı» hám bahalı sawǵalar menen sıylıqlandı.