«Qaraqalpaqtɪń kewil qusɪ sayrasa» atamasındaǵı ádebiy keshe bolıp ótti

admin
06-May-2025
102

Shomanay rayonı Málimleme –kitapxana orayı, Mádeniyat orayı hám MSh hám MBB ne qaraslı Barkamal áwlad balalar mektebi qospa rejesine tiykar Qaraqalpaqstan hám Ózbekstan xalıq shayırı, Ózbekstan Qaharmanı I.Yusupov hám Qaraqalpaqstan hám Ózbekstan xalıq jazıwshısı, Ózbekstan Qaharmanı Tólepbergen Qayipbergenovlardıń tuwılǵan kúnleri múnásibeti menen «Qaraqalpaqtɪń kewil qusɪ sayrasa» atamasındaǵı ádebiy keshe bolıp ótti. Keshege Prezident Adminstraciyası isshi topar aǵzası Sh. Baxramov, Ózbekstan Respublikası Prezidentiniń Shomanay rayonlıq Xalıq qabıllawxanası baslıǵı E. Ábdiraxmanov, Respublika ruwxıy –aǵartıwshılıq orayı Shomanay rayonı bólimi baslıǵı I. Allaniyazov ham Mádeniyat orayı qániygeleri, qánigelestirilgen mektep oqıtıwshı hám oqıwshıları Barkamal áwlad balalar mektebi dógerek oqıwshıları qatnastı. Keshede sózge shıqqanlar I.Yusupov hám T.Qayıpbergenovlardıń ómiri hám dóretiwshiligi haqqında aytıp ótti. Oqıwshılar tárepinen shayırdıń qosıqlarınan úzindiler keltirip, T.Qayıpbergenovtıń shıǵarmasınan saxnalıq kórinis qoyıp berildi. Keshe Mádeniyat orayı qániygeleri tárepinen tayarlanǵan koncert baǵdarlaması menen dawam etti.