JÚWERI GÚRTIK

JÚWERI GÚRTIK

Áwladtan áwladqa óter miyrasım,
Mazań súysindirer ǵarrısı-jasın,
Babam Ernazarǵa kúsh bergen asım.
Mıń bir dárte dawa júweri gúrtik!..

Úyimizde ájem bilgeli esim,
Pútinley saldırǵan tawıq múshesin.
Sorpası dáminen nár alıp óstim,
Balalıqtan saza júweri gúrtik.

Miynetinen óngen diyxan babamnıń,
Barmaqları túygen kempir apamnıń.
Qarılǵansań miyiriminen anamnıń,
Mazań sırı sonda júweri gúrtik.

Dástúrxanǵa tartıp serledim, baqtım,
Miymanlarım ishteyine teń jaqtıń.
Ar-namısı, júzi Qaraqalpaqtıń,
Urpaǵıńa miyras júweri gúrtik!..

✍️M. Muradova.