Qaraqalpaq ádebiyatınıń klassik shayırı Ájiniyaz Qosıbay ulınıń tuwılǵanına 200 jıl tolıw múnásibeti menen «Ájiniyaz shıǵarmalarınıń bilimdanı» rayonlıq basqıshı bolıp ótti

admin
02-April-2024
50

Qaraqalpaq ádebiyatınıń klassik shayırı Ájiniyaz Qosıbay ulınıń tuwılǵanına 200 jıl tolıw múnásibeti menen «Ájiniyaz shıǵarmalarınıń bilimdanı» rayonlıq basqıshı bolıp ótti. Tańlawǵa rayonlıq MSHMBB qaraslı mekteptiń 10-11-klass oqıwshıları qatnastı. Tańlawda Ájiniyaz Qosıbay ulınıń shıǵarmalarına hár tárepleme tereń úyreniw, ádep-ikramlıq úlgidegi danalıqların ózlestiriw, shayırdıń qosıqların yadlaw arqalı kitap oqıwshılarınıń ruwxıy mádeniyatın bayıtıw hám jaslar arasında talantlıların izlep tawıp, olardı qollap-quwatlaw sonday aq kitapqumarlıqtı en jaydırıw maqsetinde shólkemlestirildi. Tańlaw qatnasıwshıları 3-shárt boyınsha bellesip, tańlaw juwmaǵında I-orındı MSHMBB qaraslı 21-sanlı mektep oqıwshısı Júzbaeva Tursınay, II-orındı MSHMBB qaraslı 33-sanlı mektep oqıwshısı Ómirzaqov Alpamıs, III-orındı MSHMBB qaraslı 9-sanlı mektep oqıwshısı Jabbarbergenova Nawbahar iyeledi. Tańlaw jeńimpazları Ruwxıy-aǵartıwshılıq orayı Shomanay rayonlıq bólimi, MSHMB bólimi , Málimleme-kitapxana orayı tárepinen «Húrmet jarlıǵı» hám bahalı sawǵalar menen sıylıqlandı.