Shomanay rayonlıq Málimleme-kitapxana orayında 2022-jıl 18-23-aprel kúnleri “Kitap súyer millet” uranı astında “Kitapqumarlıq hápteligi”rejelestirilgen

admin
18-April-2022
49

Shomanay rayonlıq Málimleme-kitapxana orayında 2022-jıl 18-23-aprel kúnleri “Kitap súyer millet” uranı astında “Kitapqumarlıq hápteligi”rejelestirilgen. Rejege tiykar qaraqalpaq ádebiyatınıń iri tulǵası Ájiniyaz Qosıbay ulınıń 198 jıllıǵına arnap “Qaraqalpaqtıń Ziywarı bardı” atamasında shayırdıń urpaqları menen ushırasıw keshesi bolıp ótti.Keshege Ruwxıy aǵartıwshılıq isleri rayonlıq bòlimi baslıǵı A. Allaniyazov “Shomanay nurı”gazetasınıń redaktorı M.Baydullaeva,rayonlıq ishki isler bólimi qániygesi Rustem Qunnazarov, Ájiniyaz shayırdıń urpaqları Jaqsıbiyke Jumamuratova,Ǵayratdin .Eshanov hám XBB ne qaraslı barlıq mektep kitapxanashıları, 1-sanlı mekteptiń oqıtıwshı hàm oqıwshıları, kitapqumar oqıwshılar qatnastı.Kesheni Málimleme-kitapxana orayı direktorı B.Atamuratova kiris sóz benen ashtı. Keshede XBB ne qaraslı 1-sanlı mekteptiń 8-klass oqıwshıları shayırdıń qosıqlarınan úzindiler oqıp berdi. Soń shaydıń urpaqları J.Jumamuratova,Ǵ.Eshanovlar sòzge shıǵıp, babası haqqında qızıqlı maǵlıwmatlar aytıp eske aldı.Keshe qatnasıwshıları tàrepinen Ájiniyaz shayırdıń urpaqları sorawlar berilip, anketa sorawları tarqatıldı. Keshe Màdeniyat bòlimi xızmetkerleriń atqarıwında concert baǵdarlaması menen dawam etti.Keshede Málimleme-kitapxana orayı tàrepinen “Qaraqalpaqtıń Ziywarı bardı” atamasında kitap kòrgizbesi shòlkemlestirildi.