“Eń jaqsı kitapxanashı” atamasında tańlaw shólkemlestirildi.

admin
25-April-2026
34

Kóp kitap oqıw insandı pikirlewge, óz pikirin durıs jetkeriwge úyretedi. Kitaplarda neshe ásirlik danalıqlar, ata-babalarımızdıń miyrası hám barlıq dúnyalıq ilimler sáwlelengen. Kitaptıń satıp alınǵanı emes oqılǵanı baylıq. Ózbekstan Respublikası Prezidentiniń 2026-jıl 15-yanvardaǵı “ Kitapqumarlıq mádeniyatın rawajlandırıw hám xalıq arasında kitap oqıwǵa qızıǵıwshılıǵın asırıw is-ilajları haqqında ” ǵı PQ-9- sanlı qararınıń orınlanıwı boyınsha xalqımız ásirese jaslarımız arasında kitapqumarlıqtı rawajlandırıw búgingi kúnniń eń tiykarǵı wazıypalarınıń biri. Búgingi rawajlanǵan texnologiyalar zamanında jaslarımız hár qıylı jat illetlerden jıraq bolıp, aqıllı, sanalı, bilimli , kámil insan bolıp jetisiwi kerek. Bunda olarǵa eń jaqın hám sadıq dos- bul kitap bolıp esaplanadı. Kitap oqıwshılardıń kitaptı durıs tańlawında eń jaqın járdemshi-bul kitapxanashılar. Rayon aymaǵındaǵı Mektepke shekemgi hám mektep bilimlendiriw bólimine qaraslı ulıwma bilim beriw mekteplerinde mektep kitapxanashılarınıń kitap oqıwshılar menen islew nátiyjeliligin asırıw, kásiplik bilim hám ámeliy kónlikpelerin bekkemlew, ámeldegi nızamshılıq talapların tereń ózlestiriwi hám de aldıńǵı tájiriybelerdi ǵalabalastırıw maqsetinde rayon hákimligi hám Málimleme-kitapxana orayı, Mektepke shekemgi hám mektep bilimlendiriw bólimi menen birgelikte “Eń jaqsı kitapxanashı” atamasında tańlaw shólkemlestirildi. Tańlaw 3 basqıshtan ibarat bolıp, mektep kitapxanashıları tańlaw dawamında óz bilimlerin, shaqqanlıǵın, ziyrekligin kórsetti. Tańlaw juwmaǵında jeńimpazlar anıqlanıp «Húrmet jarlıǵı» hám sawǵalar menen sıylıqlandı.