“Jazıwshı, shayır hám kitapqumar” atamasında ushırasıw keshesi bolıp ótti.

“Jazıwshı, shayır hám kitapqumar” atamasında ushırasıw keshesi bolıp ótti.

• admin
• 15-April-2026
• 19

Shomanay rayonı Málimleme-kitapxana orayınıń 13-17-aprel kúnleri bolıp ótetuǵın “Kitap súyer millet” uranı astında VI Respublikalıq “Kitapqumarlıq hápteligi”niń is jobasına tiykar “Berdaq” atındaǵı mámleketlik sıylıqtıń lawreatı, “Qaraqalpaqstan xalıq jazıwshısı”, Ózbekstan Respublikasına miyneti sińgen mádeniyat xızmetkeri, Jazıwshılar awqamınıń aǵzası Muratbay Nızanovtıń 75 jasqa tolıw múnásibetine arnap “Jazıwshı, shayır hám kitapqumar” atamasında ushırasıw keshesi bolıp ótti.Ushırasıw keshege Nuranıy kitapqumarlar D.Nietullaev, Q.Nawrızov, Z.Eshanov, K.Aytmuratov, “Shomanay nurı”gazetası redaktorı, Ózbekstan jazıwshılar awqamı aǵzası M.Baydullaeva,13-sanlı Balalar muzıka hám kórkem-óner mektebi, Mádeniyat bólimi, “Keleshek orayı”, Qánigelestirilgen mektebi hám MSH hám MBB ne qaraslı 4-7-16-sanlı mektep oqıtıwshı hám oqıwshıları qatnastı.
Keshede jazıwshı óziniń dóretiwshiligi, kino hám baspa tarawındaǵı xızmetleri haqqında sóz etti.Soń sózge shıqqanlar jazıwshı, shayırdıń dóretiwshilik jolları, óz xalqınıń ásirler dawamında qáliplesken úrp-ádetlerin, salt-dástúrlerin tereń seziniwleri hám tárbiyalıq áhmiyeti kúshli shıǵarmaları menen tanılǵan insan ekenligi haqqında sóz etti.Keshe Mádeniyat bólimi xızmetkerleri,13-sanlı Balalar muzıka hám kórkem-óner mektebi, “Keleshek orayı” dógerek oqıwshılarınıń tayarlap kelgen koncert baǵdarlamaları menen dawam etti.