“Ańlattıń maǵan” atamasındaǵı ushırasıw keshesi bolıp ótti

admin
25-April-2025
98

“Ózbekstan-kitapqumarlar jurti” uranı astında V Respublikalıq “Kitapqumarlıq hápteligi” niń jobasına tiykar 25-aprel kúni Málimleme kitapxana orayı hám Mádeniyat bólimi menen birgelikte Ózbekstan Respublikasında xızmet kórsetken jurnalist hám Qaraqalpaqstan Respublikasına miyneti sińgen mádeniyat xızmetkeri, jurnalist, shayır, “Ayqulaq” tele-kórsetiwi baslawshısı Altıngúl Óteniyazovanıń 60 jasqa tolıwı múnásibeti menen “Ańlattıń maǵan” atamasındaǵı ushırasıw keshesi bolıp ótti. Keshege Respublika ruwxıy-aǵartıwshılıq orayı rayonlıq bólimi baslıǵı I.Allaniyazov, Shomanay nuri gazetasi redaktori M. Baydullaeva, Madeniyat bólimi basliǵı A. Begjanova, Ózbekstan Respublikasına xızmet kórsetken jurnalist hám Qaraqalpaqıstan Respublikasına miyneti sińgen mádeniyat xızmetkeri jurnalist, shayır A. Óteniyazova, rayonlıq Keńes deputatı Q.Nawrızov, nuranıy kitapqumar K.Aytmuratov, Mádeniyat bólimi, Barkamal awlad balalar mektebi, MSh hám MBB ne qaraslı 1-16-23-33-sanlı mekteplerdiń oqıtıwshı hám oqıwshıları, mektep kitapxanashıları qatnastı.
Keshede sózge shıqqanlar Respublikalıq gazeta-jurnallarda ótkir mazmunlı maqalaları, publicistikalıq dóretpeleri, ocherkleri menen kózge túsken shayır haqqında jaqsı pikirlerin bildirip ótti. MSh hám MBB ne qaraslı 16-sanlı mekteptiń oqıtıwshısı B.Demegenova shayırdıń ómir bayanı hám dóretiwshiligi haqqında bayanat oqıdı. Keshe Mádeniyat bólimi xızmetkerleri tárepinen shayırdıń qanatlı qosıqlarınan tayarlanǵan koncert baǵdarlaması menen dawam etti.