“Kitapqumarlıq hápteligi”niń ashılıw keshesi bolıp ótti

admin
21-April-2025
92

Ózbekstan Respublikası Ministrler Kabinetiniń 2020-jıl 14-dekabrdegi “2020-2025-jıllarda kitapqumarlıq mádeniyatın rawajlandırıw hám jaslardı qollap-quwatlaw milliy Baǵdarlamasın tastıyıqlaw haqqındaǵı” 781-sanlı qararınıń orınlanıwın támiyinlew maqsetinde Respublikamızdıń barlıq aymaqlarında 2025-jıldıń 21-27-aprel kúnleri “Ózbekstan-kitapqumarlar jurtı” uranı astında V Respublikalıq “Kitapqumarlıq hápteligi” ótkeriliwi rejelestirilgen. Usı múnásibet penen Shomanay rayonı Málimleme kitapxana orayınıń “Kitapqumarlıq hápteligi”niń ashılıw keshesine hámde 19-ásirdiń qaraqalpaq klassik ádebiyatınıń eń iri tulǵalarınıń biri, óz dáwiriniń ullı oyshılı Ajiniyaz Qosıbay ulınıń 201 jıllıǵına arnap “Qaraqalpaqtıń Ziywarı bardı” atamasındaǵı ádebiy kesheler bolıp ótti. Keshege rayonlıq shańaraq hám hayal-qızlar bólimi baslıǵı T.Qallıqilichova, rayon prokurorı M.Matchanov, Respublika ruwxıy-aǵartıwshılıq orayı rayonlıq bólimi baslıǵı I.Allaniyazov, rayonlıq Keńesi deputatı, shayır Q.Nawrızov, Nuranıy jamǵarması rayonlıq bólimi baslıǵı D.Nietullaev, rayonlıq PXAJ bólimi baslıǵı Z.Alieva, nuranıy kitapqumarlar M.Ótemuratov, K.Aytmuratov, Mádeniyat bólimi hám Barkamal áwlad balalar mektebi xızmetkerleri, rayonlıq qánigelestirilgen mektep, 13-sanlı Balalar muzıka hám kórkem-óner mektebi, MSH hám MBBne qaraslı mektep kitapxanashıları hám 4-sanlı, 33-sanlı mektep oqıwshıları qatnastı.Keshede sózge shıqqan miymanlar kitapxana-haqıyqıy mádeniy-aǵartıwshılıq, bilim hám ruwxıylıq mákánı, jaslardıń eń qádirli dárgayına aylanıwı hám kóbirek jaslardı ózine qamtıp alıwı kerekligi haqqında aytıp ótti.Keshe Mádeniyat bóliminiń xızmetkerleri atqarıwındaǵı koncert baǵdarlaması menen dawam etti.